HRin.co - iş axtarış platforması Millinet 2023 müsabiqəsində "İlin Sosial Rəqəmsal Resursu" nominasiyası üzrə III yerə təltif olunub. İKT sahəsinin öndə gedən münsiflər heyəti tərəfindən analiz edildikdən sonra üstünlüklərimiz və inkişaf etdiriləcək mövzular haqqında geniş məlumatlar almışıq. Yaxın vaxtlarda mexanizmimizdə edəcəyimiz yeniləmələr ilə daha çox diqqətinizi çəkəcəyik. Sözün əsl mənasında #HRinSəniAxtarır sloganımızı hiss edəcəksiniz.

Məlumat üçün bildirək ki, Milli İnternet Mükafatı (MilliNet) Azərbaycan İnternet Forumu (AİF) tərəfindən təsis edilən və hər il keçirilən peşəkar texnologiya mükafatıdır. Bu mükafat, sosial, mədəni, elmi, iqtisadi, hüquqi və digər sahələrdə fəaliyyət göstərən və Azərbaycan dilində hazırlanmış rəqəmsal həllər, milli internet resursları və internet layihələrini müxtəlif kateqoriyalarda qiymətləndirir. Müsabiqə üsulu ilə təqdim edilən bu mükafat, ölkəmizdə və dünyada milli internet layihələrinin tanıdılmasına və inkişafına dəstək olmağı hədəfləyir.